دابەشکردنی مووچەی مانگی شەش دەستیپێکرد
مووچە و بودجە
SNN
وەزارەتى دارایى عێراق دەستپێکردنى دابەشکردنى مووچەى مانگى حوزەیرانى راگەیاند و بەگوێرەى راگەیەندراوێکى وەزارەتەکە مووچەى مانگى حوزەیرانى فەرمانبەران و هێزە ئەمنییەکان دابەشدەکرێت.
بەگوێرەى راگەیەندراوێکى وەزارەتەکە “فەرمانگەى ژمێریارى لەسبەینێوە دەستدەکات بە رێکارەکانى پارەدارکردنى مووچەى مانگى حوزەیرانى فەرمانبەران و هێزە ئەمنییەکان بەگوێرەى ئەو خشتە پەیڕەکراوەى کە لەدابەشکردنى مووچەدا هەیە”.
دابەشکردنى مووچەى مانگى شەشى فەرمانبەران و هێزە ئەمنییەکانى عێراق لەکاتێکدایە کە هێشتا مووچەى مانگى ئایارى هێزە ئەمنییەکان و پێشمەرگە دابەش نەکراوە و بڕیار بوو بەر لە هاتنى جەژنى قوربان مووچەکانیان خەرج بکرێت.
هاوکات هێشتا لیستى مووچەى فەرمانبەرانى شارستانى هەرێمى کوردستان رەوانەى وەزارەتى دارایى عێراق نەکراوە.
