سبه‌ى ده‌ستده‌كرێت به دابه‌شكردنى پاره‌ى لیوا هاوبه‌شه‌كان
دراوى 25 هه‌زار دینارى عێراق | فۆتۆ: SNN
عەلی حەمە سەعید_ SNN
سبەی دووشەممە دەستدەکرێت بە دابەشکردنی هاوکاری هاوپەیمانان بۆ لیوا هاوبەشەکان کە بڕەکەی بۆ هەر پێشمەرگەیەک 432 هەزار و 500 دینارە.
كه‌مێك له‌مه‌وبه‌ر، وه‌زاره‌تى پێشمه‌رگه‌ى حكومه‌تى هه‌رێمى كوردستان راگه‌یه‌نراوێكى بڵاوكرده‌وه و رایگه‌یاند، “لەچوارچێوەی ئەو پشتیوانیە داراییەی کە لەلایەن هێزەکانی هاوپەیمانان بۆ هێزی پێشمەرگە دابین دەکرێت، بریاردرا کە ڕۆژی دووشەممە 24ى حوزه‌یران، دەستبە دابەشکردنی هاوکاری مانگی ئایار بکرێت”.
ده‌قى راگه‌یه‌نراوه‌كه
لەچوارچێوەی ئەو پشتیوانیە داراییەی کە لەلایەن هێزەکانی هاوپەیمانان بۆ هێزی پێشمەرگە دابین دەکرێت ،بریاردرا کە ڕۆژی دووشەممە 24ی حوزیرانی 2024 دەستبە دابەشکردنی هاوکاری مانگی پێنج بکرێت.
ئەم برە پارەیە، لێرە بەدواوە وەک هاوکاری دەدرێت بە هێزی پێشمەرگە و هیچ پەیوەندیەکی بە مووچەوە نییە.
