بەغدا پارەی مووچەی مانگی پێنجی هێزە ئەمنیەكانی خهرجكرد
دراوى 25 ههزار دینارى عێراق
SNN – عەلی حەمە سەعید
ئەمڕۆ یەكشەممە 23ى حوزەيران، وەزارەتی دارایی عێراق دەستیكرد بە تەمویلكردنی مووچەی هێزە ئەمنییەكانی هەرێم بۆ مانگی ئایار، ئەوەش دوای ئەوەی وردبینی لیستی مووچەی ئەو هێزانە تەواو بوو.
بەپێى ئەو زانیارییانەی كە لە بەرپرسێكی وەزارەتی دارایی حكومەتی هەرێم بە SNN دراون ئەوەخراوەتەڕوو، “ئەمڕۆ یەكشەممە وەزارەتی دارایی عێراق دەستیكرد بە خهرجكردن و ناردنی پارەی مووچەی مانگی ئایارى هێزە ئەمنییەكان، ئهمهش دوای ئەوەی پرۆسەی وردبینی لیستی مووچەی ئەو هێزانە تەواوكرا”.
به وتهى ئهو بهرپرسهى وهزارهتى دارایی، “ئهگهرى ههیه سبەی دەستبكرێت بە دابەشكردنی مووچەی مانگی ئايارى ئەو هێزانە . هاوكات، بۆ مانگی حوزهیران پارەی هێزە ئەمنییەكان لەگەڵ مووچەی فەرمانبەرانی شارستانی رەوانە دەكرێت، ئەگەر وەزارەتی دارایی هەرێم بتوانێت لهكاتى خۆیدا لیستی مووچەی مانگی حوزهیران ئامادە بكات”.
لهبارهى ئامادهكردنى لیستى مووچهى مانگى حوزهیران ئەو بەرپرسەی وەزارەتی دارایی حكومەتی هەرێم ئەوەشی خستەڕوو، “لیستی مووچەی مانگی حوزهیرانى فەرمانبەرانی شارستانی ئامادە كراوە و ئاراستەی وەزارەتی دارایی هەرێم كراوە، تەنیا ئەوە ماوە ئاراستەی بەغدا بكرێت، بۆیە بە ئەگەرێكی زۆر تا كۆتایی ئەم هەفتەیە لیستەكە ئاراستەی بەغدا دەكرێت، پاشان دەسدەكرێت بە ناردنی پارەی مووچەی مانگی حوزهیرانى فەرمانبەرانی هەرێم”.
