خوشكێكى سه‌رۆكى حه‌ما*س و 8 كه‌س له خزم و كه‌سوكارى كوژران
ئیسماعیل هه‌نیه، سه‌رۆكى بزووتنه‌وه‌ى حه‌ماس | فۆتۆ: AP
SNN
به‌هۆى بۆردومانه‌كانى ئیسرائیله‌وه له غه‌ززه 13 كه‌س كوژرن كه نۆیان كه‌سوكارى سه‌رۆكى مه‌كته‌بى سیاسى بزووتنه‌وه‌ى حه‌ماسن.
به‌ره‌به‌یانى ئه‌مڕۆ سێشه‌ممه 25ى حوزه‌یران، فڕۆكه جه‌نگیه‌كانى ئیسرائیل بۆردومانى خۆرئاواى كه‌رتى غه‌زه‌یان كرد، به‌پێى سه‌رچاوه‌كانى هه‌واڵى غه‌ززه، “بۆردومانه‌كه خێوتگه‌یه‌كى كردووه‌ته ئامانج، له ئه‌نجامدا 13 كه‌س كوژراون كه نۆیان كه‌سوكارى ئیسماعیل هه‌نیه، سه‌رۆكى مه‌كته‌بى سیاسى بزووتنه‌وه‌ى حه‌ماسن. له‌نێویشیاندا خوشكێكى ئه‌و به‌رپرسه‌ى حه‌ماس هه‌یه”.
كوژرانى به‌شێك له كه‌سوكارى ئیسماعیل هه‌نیه له‌دواى ئه‌وه دێت، كه رۆژى 10ى نیسانى ئه‌مساڵ هه‌نیه له چاوپێكه‌وتنێكى ته‌له‌فزیۆنیدا له‌گه‌ڵ كه‌ناڵى جه‌زیره‌ى قه‌ته‌رى وتى: “سێ له كوڕه‌كانى به‌ناوه‌كانى حازم و ئه‌میر و محه‌مه‌د به‌هۆى بۆردومانه‌كانى ئیسرائیله‌وه كوژراون”.
هاوكات ئاژانسى هه‌واڵى شیهاب ئاشكراى كرد، “هه‌مان رۆژ به‌هۆى بۆردومانى سوپاى ئیسرائیله‌وه سێ نه‌وه‌ى هه‌نیه كوژراون”.
له‌دواى ده‌ستپێكردنى شه‌ڕى حه‌ماس و ئیسرائیل له 7ى تشرینى یه‌كه‌مى 2023، 37 هه‌زار و 626 كه‌س كوژراون، 86 هه‌زار و 98 كه‌سى تر بریندار بوون. ئه‌مه سه‌ره‌ڕى بێسه‌روشوێنبوونى چه‌ندانى تر و به‌جێمانى چه‌ندین كه‌سى تر له‌ژێر دار و په‌ردووى بینا رووخاوه‌كاندا.
