بكوژى خواناس وریا به زیندانى هه‌میشه‌یی سزادرا
خواناس وریا، قوربانى | فۆتۆ: تۆڕه كۆمه‌ڵایه‌تیه‌كان
SNN
سزاى زیندانى هه‌میشه‌یی بۆ بكوژى خواناس وریا ئه‌و گه‌نجه‌ى رۆژى 22ى حوزه‌یرانى 2023 له‌ناو بازڕى قه‌زاى چه‌مچه‌ماڵ كوژرا ده‌رچوو.
پاش تێپه‌ڕینى ساڵێك و سێ رۆژ به‌سه‌ر كوشتنى گه‌نجێكى شارى چه‌مچه‌ماڵ به‌ناوى خواناس وریا گلى، ئه‌مڕۆ سێشه‌ممه 25ى حوزه‌یران، دادگاى سلێمانى سزاى زیندانى هه‌میشه‌یی به‌سه‌ر بكوژه‌كه‌یدا سه‌پاند. وریا گلى باوكى قوربانیه‌كه له‌به‌رده‌م دادگا له كۆنگره‌یه‌كى رۆژنامه‌وانیدا وتى: “كوڕه‌كه‌م له‌سه‌ر جیاوازى بیروبۆچوون كوژراوه، بۆ ئه‌وه‌ى خواناسه‌كانى تر نه‌كوژرێن سزاكه تێهه‌ڵچوونه‌وه‌ى بۆ ده‌كه‌ین، چونكه ده‌مانه‌وێت سزاى تووندترى به‌سه‌ردا بسه‌پێنرێت”.
