عێراق لە کودەتایەک نزیک دەبێتەوە کە سەرجەم سیاسییەکان رادەماڵێت

SNN

حەیدەر عەبادی سەرۆکی هاوپەیمانی نەسر بە میدیای عێراقییەکانی راگەیاند: لە %80 هێزە سیاسییەکانی عێراق دەیانەوێت عێراق قوت بدەن و دۆخی عێراقیش هەر وا بە لاوازی بمێنێتەوە.

عەبادی ئاماژە بەوەشدەکات، پرۆسەی سیاسی و هەڵبژاردن هیچ لە دۆخی عێراق ناگۆرێت، بۆیە لە سەرجەم هەڵبژاردنەکانیشدا بە لاوازی بەشداریم کردووە، بە پێچەوانەشەوە هەڵبژاردن و پرۆسەی دیموکراسی لە عێراق ئەنجامی پێچەوانە و خراپی لەسەر وڵاتەکە هەیە.

عەبادی هۆشداری دەدات کە سەرکردەیەکی سیاسی پێشرەوی کودەتایەک دەکات لە عێراقدا بە پشتبەستن بە دەنگی ناڕازی هاووڵاتیان و شەقام و کۆتایی بە هێزی سیاسی ئێستای عێراق دەهێنیت، تەواوی سەرکردە سیاسییەکانی ئێستای عێراق دەخاتە نێو زیندانییەکان.

عەبادی لە کۆتایدا ئەوەش رەت دەکاتەوە کە کودەتا سەربازی و سیاسییەکە لەلایەن هێز و گروپە چەکدارەکانی ئێستای عێراقەوە ئەنجام بدرێت، بەڵكو کەسێک کودەتا دەکات ناسراو نییە و بە پشتیوانی هێزی جەماوەر و شەقام ئەو کارە دەیکات.