رۆژی هەڵبژاردنی پەرلەمانی کوردستان دیاریکرا

SNN-

سەرۆکایەتی هەرێمی کوردستان رۆژی 20ی 10ی 2024، بۆ ئەنجامدانی هەڵبژاردنی پەرلەمانی کوردستان دیاریکرد و داواش دەکات لایەنەکان هاوکاریی و هەماهەنگى لەگەڵ کۆمیسیۆنى باڵاى سەربەخۆى هەڵبژاردنەکان بکەن بۆ جێبەجێکرنى بەڕێوەچونى هەڵبژاردن لەو وادەیەدا.

دڵشاد شەهاب، وتەبێژى سەرۆکایەتیی هەرێمى کوردستان لە کۆنگرەیەکى رۆژنامەوانییدا رایگەیاند، سەرۆکى هەرێمى کوردستان بڕیاریدا بە دەرکردنى فەرمانى هەرێمى ژمارە 222ـى ساڵى 2024، پاڵپشت بە بڕگەى 2 لە ماددەى 10م لە یاساى سەرۆکایەتیی هەرێمى کوردستان/عێراق ژمارە 1ـى ساڵى 2005 هەموارکراو بریارماندا بە:

یەکەم:
دیاریکردنى رۆژى 2024/10/20 بە وادەى ئەنجامدانى هەڵبژاردنى گشتى بۆ خولى شەشەمى هەڵبژاردنى پەرلەمانى کوردستان.

دووەم:
گشت لایەنە پەیوەندیدارەکان پابەن دەبن بە ئەنجامدانى کارى پێویست بۆ هاوکارى و هەماهەنگى لەگەڵ کۆمیسیۆنى باڵاى سەربەخۆى هەڵبژاردنەکانى عێراق بۆ جێبەجێکرنى ئەم فەرمانە.

سێیەم:
ئەم فەرمانە لە رۆژى دەرچونییەوە جێبەجێ دەکرێت و لە رۆژنامەى فەرمیی بڵاودەکرێتەوە.