ههڵوێستى یهكێتى لهسهر ئهنجامدانى ههڵبژاردن له 20ى 10ى 2024
سهعدى پیره، وتهبێژى یهكێتیى نیشتمانیى كوردستان | فۆتۆ: SNN
SNN
وتهبێژى یهكێتیی نیشتمانیی كوردستان رایگهیاند، پێشوازى لهوه دهكهین كه ههڵبژاردن له 20ى تشرینى یهكهم، بهڕێوهبچێت له كاتى خۆیدا، وتى: “ئێمه دهڵێن: ئهنجامدانى ههڵبژاردن له ئێستادا دوا كهوتووه، بهڵام گرنگ ئهوهیه كه دهكرێت”.
ئێوارهى ئهمڕۆ چوارشهممه 26ى حوزهيران، سهعدى پیره، وتهبێژى یهكێتيى نیشتمانيى كوردستان له كۆنگرهیهكى رۆژنامهوانیدا ههڵوێستى حزبهكهى لهبارهى ئهو مهرسومهى سهرۆكى ههرێم دهریكردووه بۆ ئهنجامدانى ههڵبژاردنى پهرلهمانى كوردستان له رۆژى 20ى تشرینى دووهم، راگهیاند و وتى: “ئێمه پێشوازى لهوه دهكهین كه ههڵبژاردن لهو وادهیهى بۆى دیاریكراوه بهڕێوهبچێت، پێمانوایه ههڵبژاردن دواكهوتووه، بهڵام گرنگیشه كه بكرێت و چیتر دوانهخرێت”.
له وهڵامى ئهو پرسیارهى، ئایا پرس و راوێژیان پێكراوه لهسهر ئهو وادهیهى دیاریكراوه؟ وتهبێژى یهكێتى وتى: “نهخێر هیچ راوێژێك به یهكێتى نهكراوه”.
وتهبێژى یهكێتى له بهشێكى ترى قسهكانیدا لهبارهى ئهو وادهیهى كه دیاریكراوه ئاماژهى بهوهكرد، “ئهو وادهیه سهرۆكى ههرێم دیاريكردووه، سهرۆكى ههرێمیش پارتیه و ئێمه حهقى پێدهدهین كه بیهوێت له دیاریكردنى وادهكهدا دڵى حزبهكهى رازى بكات”.
