14-ھەمین خولی ھەڵبژاردنی سەرۆکایەتی ئێران بەرێوەدەچێت

SNN-

14ھەمین خولی ھەڵبژاردنی سەرۆکایەتی ئێران کە سێھەمین ھەڵبژاردنی سەرۆکایەتی پێشوەختەیە بەڕێوەدەچێت، چوار کاندیدیش کێبڕکێ لەسەر پۆستی سەرۆک کۆماری وڵاتەکە دەکەن و عەلی خامنەیی ڕابەری کۆماری ئیسلامی ئێران بەشداری دەنگدانی کرد و داوایکرد: خەڵکی دوودڵ نەبن لە بەشداریکردن لە دەنگدان و بچن دەنگ بدەن.

بەگوێرەی ئامارەکانی لیژنەی ھەڵبژاردنەکانی ئێران، لەکۆی 85 ملیۆن دانیشتووی وڵاتەکە، 61 ملیۆن و 452 ھەزار و 321 کەس مافی دەنگدانیان ھەیە لە 34 ھەزار و 522 بنکە کراوە دەبن لە تەواوی ناوخۆی ئێران، لە ئاستی دەرەوەی ئێران 344 بنکە ھەیە بۆ ئەوەی ئەوکەسانەی ھاوڵاتی ئێرانن بتوانن دەنگبدەن.

لە خولی سیانزەھەمی ھەڵبژاردنی سەرۆکایەتی ئێران ئیبراھیم رەئیسی توانی 63.7%ی دەنگەکان بەدەست بھێنێت و ببێتە ھەشتەمین سەرۆککۆماری ئێران، لەو خولەدا 59 ملیۆن و 310 ھەزار و 307 کەس مافی دەنگدانیان ھەبوو، رێژەی بەشداری لەسەدا 48 بوو.

ده‌بوو ئه‌م هه‌ڵبژاردنه‌ له‌ به‌هارى ساڵى 2025 ئه‌نجام بدرێت، به‌ڵام به‌هۆى گیانله‌ده‌ستدانى ئیبراهیم ره‌یسی سه‌رۆككۆمارى ئێران و حه‌وت كه‌س له‌ هاوه‌ڵانى له‌ رووداوى تێكشانى هیلیكۆپته‌ره‌كه‌یان له‌ 19ی ئایاری 2024 هه‌ڵبژاردنه‌كه‌ پێش خرا.

هەریەکە لە سەعید جەلیلی، محەمەد باقر قالیباف، مستەفا پوورمحەمەدی كە كاندیدی نەریتخوازەكانن و مەسعود پزیشكیان كاندیدی ریفۆرمخوازەكانه‌ کێبڕکێ دەکەن بۆ بەدەستهێنانی پۆستی سەرۆککۆماری ئەو وڵاتە.