لێدوانى قوباد تاڵه‌بانى له‌باره‌ى خه‌رجكردنى پاره‌ى مووچه‌ى هێزه ئه‌منییه‌كان
قوباد تاڵه‌بانى، جێگرى سه‌رۆكى حكومه‌تى هه‌رێم
SNN
جێگرى سه‌رۆكى حكومه‌تى هه‌رێمى كوردستان ده‌ڵێت: له ئێستادا له به‌غدا وردبینى بۆ ليستى مووچه‌ى هێزه ئه‌منییه‌كان ده‌كرێت، بۆ ئه‌وه‌ى ئه‌م كێشه‌یه بۆ هه‌میشه كۆتایی بێت.
ئه‌مڕۆ یه‌كشه‌ممه 30ى حوزه‌یران، قوباد تاڵه‌بانى، جێگرى سه‌رۆكى حكومه‌تى هه‌رێمى كوردستان له‌به‌رده‌م میدیاكان وتى: “لیستى مووچه‌ى هێزه ئه‌منییه‌كان ره‌وانه‌ى به‌غدا كراوه، له ئێستادا دیوانى چاودێرى دارایی عێراق وردبینى بۆ ده‌كات، كه وردبینیه‌كه‌ى ته‌واو بوو پاره‌ى مانگى ئایار خه‌رجده‌كرێت”.
وتیشى: “وردبینیه‌كه بۆ ئه‌وه‌یه كۆتایی به‌م كێشه‌یه بێت و به‌غدا لیستێكى مووچه‌ى متمانه پێكراوى لابێت و بۆ هه‌میشه له‌كاتى خۆیدا پاره‌ى مووچه بێت”.
