کەشناسی سلێمانی: مانگی حوزەیرانی ئەمساڵ لە 30 ساڵی رابردوو گەرمتربووە

SNN-

بەڕێوەبەرایەتی كەشناسی و بومەلەرزەزانی سلێمانی بڵاویکردووەتەوە کە مانگی حوزەیرانی ئەمساڵ 2 پلە گەرمتربووە بە بەراورد بە 30 ساڵی رابردوو.

بەڕێوەبەرایەتییەکە لە راگەیەندراویکدا بڵاویکردووەتەوە و دەڵێت:”بەپێی داتا تۆماركراوەكانی وێسگەی كەشناسی سلێمانی لە مانگی حوزەیرانی ئەمساڵدا نزمترین پلەی گەرمی 21.5 ° و بەرزترین پلە 41.7 ° تۆمار كراوە”.

دەشڵێت:”هەروەها تێكڕای پلەی گەرمی لەم مانگەدا 32.2 ° بووە كە بەراورد بە تێكڕای پلەی گەرمی سی ساڵی ڕابوردوو ئەمساڵ 2.0 پلە گەرمتر بوو”.