لیژنەی گواستنەوە و گەیاندن لە پەرلەمانی عێراق سەردانی فڕۆکەخانەی سلێمانییان کرد
فڕۆکەخانەی نێودەوڵەتی جەلال تاڵەبانی
SNN
لیژنەی گواستنەوە و گەیاندن لە ئەنجومەنی نوێنەرانی عێراق لە دوای سەردانەکەی کۆنگرەیەکی رۆژنامەی ئەنجامدا و رایگەیاند، ئێمه وهك ئهندامانی پهرلهمان دهستدرێژیی بۆ سهر فڕۆكهخانهی سلێمانی و عهربهت رهتدهكهینهوه.
زههره جهباری، سهرۆكی لیژنەی گواستنەوە و گەیاندن لە ئەنجومەنی نوێنەرانی عێراق لهمیانی كۆنگرهیهكی رۆژنامهوانیدا رایگهیاند، “ئێمه وهك ئهندامانی پهرلهمان دهستدرێژیی بۆ سهر فڕۆكهخانهی سلێمانی و عهربهت رهتدهكهینهوه ئهگهر لهلایهن ههر وڵاتێكی دراوسێ یاخود ناوچهكه ئهنجامبدرێت، ههر دهستدرێژییهك بۆ سهر خاكی عێراق پێشێلكردنی سهروهری عێراقه و رهتیدهكهنهوه و به فهرمیش ئهو ههڵوێستهمان راگهیاندوه”.
ئاماژهی بهوهشكرد، ئهمڕۆ تهواوی بهشهكانی فڕۆكهخانهی سلێمانیان بهسهركردوهتهوه و فڕۆكهخانهكه یهكێكه له فڕۆكهخانه گرنگهكانی عێراق.
هاوکات، ههندرێن هیوا، بهڕێوهبهری فڕۆكهخانهی نێودهوڵهتی سلێمانی له كۆنگرهكهدا رایگهیاند، “35%ی گهشتهكانمان راگیراوه بههۆی راگرتنی گهشتهكان بهسهر ئاسمانی توركیادا، لهماوهی 14 مانگی رابردودا نزیكهی 10 ملیۆن دۆلار زیانی داراییمان بهركهوتووه، جگه له گومرگ و پاسپۆرت و رهگهزنامه”.
وتوویەتی “هیچ كێشهیهكی ئهمنی و سهربازیمان نییه له فڕۆكهخانهی سلێمانی و ئێمه ههمو كات ئامادهیی خۆمان بۆ ههمو رێكارێك راگهیاندوه و هیچ كێشهیهكمان نییه، بهڵگهش بۆ ئهوه ههموو گهشتهكانی دیكهی وڵاتان بهردهوامه، كۆمپانیای گهوره له سلێمانی كاردهكات و هیچ كێشهیهكمان نییه و ئێمه ئامادهین بۆ لێكۆڵینهوه”.
جەختی لەوەکردەوە، “ئێمه ناتوانین كاری گواستنهوهی كهلوپهلی سهربازی بكهین، ئهوه كاری ئێمه نییه و كاری فڕۆكهخانهی سهربازییه و كهسانی تایبهتمهندی دهوێت، ئێمه كۆمهڵێك خهڵكی مهدهنین و خزمهتی فڕۆكهی مهدهنی دهكهین و توانامان نییه ئهو خزمهتگوزاریه بكهین بۆ فڕۆكهی سهربازیی، مامهڵهمان لهگهڵ چهك و درۆن و فڕۆكهی سهربازیی نهبووه و نییه، ئهسڵی بابهتهكه له توانای ئێمهدا نییه كه كاری وابكهین”.
