وادهى جێبهجێكردنى بڕیارى هاوتاكردنى مووچهى خانهنشینان راگهیهنرا
دراوى 25 ههزار دینارى عێراق | فۆتۆ: SNN
SNN
وتهبێژى یهكێتى خانهنشینانى ههرێمى كوردستان دهڵێت: ئهگهر ههرێم لیستى مووچهى خانهنشینان لهكاتى خۆیدا رهوانهى بهغدا بكات، مووچهى مانگى تهمموز به هاوتاكراوى وهردهگرین.
دوێنێ چوارشهممه 3ى تهمموز، ئهنجوومهنى وهزیرانى حكومهتى ههرێمى كوردستان له كۆبوونهوهى ئاسایی خۆیدا بڕیاریدا به هاوتاكردنى مووچهى خانهنشینانى ههرێم و بهغدا.
سادق محهمه، وتهبێژى یهكێتى خانهنشینانى ههرێمى كوردستان به SNNى راگهیاند، “به خۆشحاڵیهوه رایدهگهیهن ین كه بڕیارى هاوتاكردنى مووچهى خانهنشینان دهرچووه، ئهگهر حكومهتى ههرێمى كوردستان لهكاتى خۆیدا لیستى مووچهى خانهنشینان به هاوتاكراوى رهوانهى بهغدا بكات، ئهوا خانهنشینان مووچهى مانگى تهمموز بههاوتاكراوى وهردهگرن”.
وتیشى: “پێشتر چهند جارێك بهغدا داواى لیستهكهى كردووه، چونكه ئهوان لاریان نییه له ناردنى پارهى مووچهى خانهنشینان به هاوتاكراوى، بهڵام بهرپرسانى حكومهتى ههرێم لیستهكهیان نهناردووه”.
