لقى ههولێر بانكى ناوهندیى عێراق زانیارى لهسهر تهوتینى مووچه ئاشكرا دهكات
دراوى 10 ههزار دینارى عێراق | فۆتۆ: SNN
SNN
بهڕێوهبهرى لقى ههولێرى بانكى ناوهندیى عێراق رایدهگهیهنێت، پرۆسهى به نیشتیمانیكردنى دابهشكردنى مووچهى مووچهخۆرانى ههرێم (تهوتین) لهژێر سهرپهرشتى ئێمهدا بهڕێوهدهچێت.
ئهمڕۆ ههینى 5ى تهمموز، كازم نامیق، بهڕێوهبهرى لقى ههولێرى بانكى ناوهنديى عێراق به میدیاكانى عێراقى راگهیاند، “ئێمه ئهو لایهنه بهرپرسهین كه سهرپهرشتى تهوتینى مووچهى مووچهخۆرانى ههرێم دهكهین”.
وتیشى: “ئێمه به پشتبهستن به بڕیاری ژمارە 313ی ساڵی 2016 و بڕیاری ژمارە 281ی ساڵی 2017ى ئهنجوومهنى وهزیرانى حكومهتى عێراقى فیدراڵ سهرپهرشتى پرۆژهكه دهكهین”.
به وتهى بهڕێوهبهرى لقى ههولێرى بانكى ناوهنديى عێراق، “سهرپهرشتى ئهو بانكانه دهكهن كه لهڕێگهیانهوه تهوتینى مووچهى مووچهخۆرانى ههرێم دهكرێت”.
بڕیارى ژماره 313ی ساڵی 2016 تایبهته به گۆڕینى سیستمى دابهشكردنى مووچه بۆ ئهلیكترۆنى لهڕێگهى كارتى بانكى و ههژمارى بانكیهوه. هاوكات بڕیارى ژمارە 281ی ساڵی 2017 تایبهته به سهرپشككردنى فهرمانبهران له ههڵبژاردنى بانكێكى باوهڕپێكراوى بانكى ناوهنديى بۆ ئهوهى لهوێ مووچهكانیان وهربگرن.
