هەڵمەتێک بۆ داخستنی سەدان پەیجی سحر و جادو لە تۆڕەکۆمەڵایەتییەکان دەستیپێکرد

SNN

سەرچاوەیەک لە وەزارەتی ناوخۆی عێراق رایگەیاند: هەڵمەتێکی ورد و چڕ لەم رۆژانەدا دەستیپێکردووە بۆ داخستنی سەدان پێگەی فەیسبووک و ئیسناتاگرام و تەنانەت وێبسایتی سحر و جادو لە عێراقدا، کە ژنانیان بە پلەی یەکەمی کردووەتە ئامانج.

سەرچاوەکە ئاماژەی بەوەکرد، بەشێکی زۆری خاوەن ئەم پێگەی سحر و جادوانە دەکەونە پارێزگاکانی بەغدا و کەرکوک و دیالە و هەولێر، لە چوار هەڵمەتی جیاوازدا چەندین پێگەی ئەلیکترۆنی و لاپەڕەی فەیسبووک دابخەن، لەگەڵ ئەوەشدا لەرێگەی کەسانی شارەزاوە تواندراوە شوێنەکانی ئەو جادوگەرانە هەر لە ڕێگەی تۆڕە کۆمەڵایەتییەکانیانەوە بدۆزرێنەوە و دەستگیربکرێن و هەڵمەتەکەش بەردەوامی دەبێت.

سەرچاوەکە ئەوەشی روونکردنەوە، کە ژنان قوربانی یەکەمی ئەم پێگەی سحر و جادوانەی تۆڕە کۆمەڵایەتییەکان، و بەشێکی زۆری پێگەکان وێنەی نەشیاوی ژنانی تێدا بووە کە ناردوویانە بۆ جادووگەرەکان، بۆ هەر سحر و جادویەک کە ئەنجامدەدرێت بڕی 300 تا 500 دۆلار وەردەگرن و ژنان لە بەشێکی زۆری حاڵەتەکاندا پارەیان لە پیاوەکانیان سەندووە بۆ ئەمجۆرە کارانە.