ئامێرەکەی “هەژماری من” پارەکەی لە هەژمارەکەم بڕی بەڵام پێی نەدام

SNN

هاووڵاتییەک بەناوی “هەرێم رێبوار” باسی ئەزموونی مووچەوەرگرتنی خۆی دەکات لە بانکە ئەهلییەکان و دەڵێت: “ئەزموونی یەکەمی من بە خراپی دەستی پێکرد ئەگەر هی ئێوە باشە ئەتوانن وەسف و سەنای بکەن.”

‎لە درێژەی قسەکانیدا ئاماژە بەوە دەکات، وەک فەرمانبەرێکی حکومەت لەژێر ڕێنماییە فەرمیەکان “هەژماری من” ـم کردەوە (بانکی جیهان) و پێم وایە بە سیستەم کردنی کەرتی بانکی و هەنگاونان بەو ئاراستەیە بۆ ئەمڕۆ و ئایندە گرنگە و هیچ گومانێکم لەوە نیە بەڵام ئەگەر بمانەوێت ئەم سیستەمە پێش بکەوێت و جێگەی خۆی بگریت تەنها بە وەسف و سەنا ناکرێت بەڵکو پێویستە دەست لەسەر خەلەل و کەم و کوڕیەکانیش دابنرێت.

‎وتیشی “ئەم مانگە بۆیەکەم جار مووچەکەم لە ڕێگەی هەژماری بانکەوە بۆ نێردرا و ئسولەکەی وایە کە بڕی پارەی هەژمارەکەم لە ڕێگەی جیهازێکی پارە راکێشانەوە وەربگرم پاش سەردانی و داخلکردنی کارتەکەم و لێدانی کۆدی تایبەتی دڵنیابوومەوە کە مووچەکەمی تێدایە و پاشان دەستم بە دوگمەی ڕاکێشانی پارەدا ناو دوای دیاریکردنی بڕی پێویست ئامێرەکە بەبێ ئەوەی پارەکەم بداتێ کارتەکەی دامەوە و پارەکەی لە هەژمارەکەم بڕی، دوای چێک کردنەوە دووبارە دڵنیابوومەوە کە فعلەن بڕی پارەکەی لە حسابەکەم بڕیوە بەبێ ئەوەی پارەکەم بداتێ پاشان تەلەفۆن بۆ بانک بکە و تائکید بکەنەوە وایە یان وا نیە و تەحویلی بەشی ئینکری کرا و بەکورتی مەسیری لە چەند ڕۆژی داهاتوو دیار ئەبێت کە بە چی ئەگات!!! لەبەرئەوە ئەزموونی یەکەمی من خراپ بوو هی ئێوە باش بووە باسی بکەن. “