لیستی خانەنشینان بەگۆڕانکارییەوە ڕەوانەی بەغدا دەکرێت

عەلی حەمەسەعید_SNN

دوای ئەوەی دادگای باڵای فیدراڵی لەبەرژەوەندی خانەنشیانی هەرێم بڕیاریدا بە هاوتاکردنی مووچەی خانەنشیانی هەرێم لەگەڵ خانەنشینانی عێراق، لیستی مووچەی مانگی حەوتی خانەنشینانی هەرێم بەگۆڕانکاڕییەوە ڕەوانەی بەغدا دەکرێت.

بەگوێرەی ئەوزانیارییانەی کە لەبەرپرسێکی وەزەرەتی دارایی هەرێم بەSNNدراون ئەوەخراوەتەڕوو، بەڕێوەبەرایەتی خانەنشی لەپارێزگای سلێمانی و هەڵەبجە لیستەکانیان بەگۆڕانکارییەوە تەواو کردووەو لە پارێزگاکانی هەولێرو سلێمانیش لە هەفتەی داهاتوو ئادەدەکرێن، بەوجۆرەش  لیستی مووچەی مانگی حەوتی خانەنشینانیان بە گۆڕانکارییەوە رەوانەی بەغداد دەکرێت.

ئاماژەی بەوەشکرد، لەسەر داوای بەڕێوەبەرایەتی گشتی خانەنشینی هەرێمی کوردستان لیستی مووچەی مانگی حەوتی خانەنشینانیان بە گۆرانکارییەوە ئامادەکرێت و لەڕێی بەڕێوەبەرایەتی گشتی خانەنشینی هەرێم دەینێرن بۆ وەزارەتی دارایی هەرێم و پاشان ڕەوانەی بەغدا دەکرێت.

هەرلەزانیارییەکانی SNNئەوەشهاتووە، بەگوێرەی یاسای خانەنشیانی عێراق، کەمترین مووچەی خانەنشیان 500 هەزار دینارە و بڕى 100هەزار دیناریشیان بۆ باشترکردنى بژێوى ژیانیان بۆ خەرجدەکرێت، بەڵام کەمترین مووچەی خانەنشینانی هەرێمی کوردستان 220 هەزار دینارە، ئەگەر هاوتای بەغداد بکرێت کەمترین مووچە 600 هەزار دینار دەبێت.