کەشناسی کەشى پێشبینیکراوى 48 کاتژمێرى داهاتووی بڵاوکردەوە

SNN

کەشناسی هەرێم رایگەیاند، ئەمڕۆ لە چەن ناوچەیەک تۆزێکی سوک دەبێت و پلەکانی گەرماش بەراورد بە دوێنێ دادەبەزن و ئاسمان ساماڵ دەبێت.

ئەمڕۆ هەینی 12ی تەمموز، بەڕێوەبەرایەتی بومەلەرزەزانی و کەشناسى هەرێم بڵاویکردەوە، ئەمڕۆ ئاسمان ساماڵ دەبێت لەگەڵ بوونی تۆزێکى سووک بەتایبەتى لە کەرکوک و ناوچەکانى باشوری هەرێم.

هاوکات، خێرایى با لە نێوان 15 بۆ 20 کیلۆمەتر دەبێت لە کاتژمێرێکدا، مەوداى بینین لە نێوان هەشت بۆ نۆ کیلۆمەتر دەبێت.

سەبارەت بە کەشی سبەینێ ئاشکرایکرد، سبەىنێ شەممە ئاسمان ساماڵ دەبێت و بەراورد بە ئەمڕۆ پلەکانى گەرما یەک تا دوو پلە نزم دەبنەوە.

بەگوێرەی، بەپێى پێشبینییەکانی کەشناسی، ئەمڕۆ بەرزترین پلەى گەرما لە گەرمیان دەبێت، کە 46 پلەیە و نزمترین پلەى گەرماش لە حاجى ئۆمەران دەبێت، کە 33 پلە دەبێت.

بەرزترین پلەکانی گەرمای پێشبینیکراو بە پلەی سیلیزی :

هەولێر : 45

سلێمانی : 41

دهۆک : 43

کەرکوک : 45

هەڵەبجە : 44

زاخۆ : 42

سۆران : 40

حاجی ئۆمەران : 33

گەرمیان : 46