“لەسەر دانپێدانانی دا*ع*شەکەی قەرەهەنجیر پێگەیەکی دا*ع*ش لە پەلکانە بۆردومانکرا”

SNN-

شانەی راگەیاندنی ئەمنی عێراق رایگەیاند، لەسەر دانپێدانانی دا*ع*شەکەی قەرەهەنجیر پێگەیەکی دا*ع*ش لە پەلکانە بۆردومانکرا

شانەى راگەیاندنى ئەمنى رایگەیاند، “ئەو چەکدارەى دا*ع*ش کە لە قەرەهەنجیر دەستگیر کراوە، دانى بەوەدا ناوە، لە چیاى پەڵکانە لە سنوورى پارێزگاى سەلاحەدین حەشارگەیان هەیە و لەسەر بنەماى ئەو زانیارییە ئەو حەشارگەیە بۆردوومان کراوە.”
14ى تەممووز لە ناحیەی قەرەهەنجیری سنووری پارێزگای کەرکووک لە رووبەڕووبوونەوەیەکدا لەگەڵ هێزەکانی ئاسایشی چەکدارێکی دا*ع*ش بە بریندارى دەستیگر کرا و چەکدارێکى دیکەى دا*ع*ش کوژرا و کارمەندێکی ئاسایش کوژرا.

شانەى راگەیاندنى ئەمنى عێراق لە راگەیەندراوەکەدا ئاماژەی بەوەکردووە کە یەکەى ئاسمانیى سەربازیى عێراق لە رێگەى فڕۆکەى ئێف 16وە بۆردوومانى ئەو حەشارگەیەى دا*ع*شی کردووە، وێڕاى خاپوورکردنى حەشارگەکە، ژمارەیەک چەکدارى دا*ع*شی لەو بۆردوومانەدا کوژراون.