وەزیری کارەبا: هەفتەی داهاتوو مووچەی وەزارەتی کارەبا دابەشدەکرێت

SNN-
کەمال محەمەد، وەزیری سامانە سروشتیەكانی حكومەتی هەرێمی كوردستان بەوەكالەت رایگەیاند: وەک وەزارەتی سامانە سروشتییەکان و حکومەتی هەرێمی کوردستان، هیچ رێگرییەکمان نییە بۆ هەناردەکردنەوەی نەوت و تەنیا رازیکردنی کۆمپانیاکانمان بەلاوە مەبەستە، لەبارەی دابەشکردنی مووچەی وەزارەتەکەشییەوە وتیشی: سەرەتای هەفتەی داهاتوو مووچەی وەزارەتەکە دابەشدەکرێت.

کەمال محەمەد، وەزیری سامانە سروشتیەكان لە كۆنگرەیەكی رۆژنامەوانیدا رایاگەیاند، هیچ کێشەیەکیشمان نیە لەگەڵ فرۆشتنی نەوت لە رێگەی سۆمۆوهەموارکردنەوەی گرێبەستەکان، بابەتەکە لای کۆمپانیاکان ماوەتەوە, ئەوان تائێستا بەو پارەیە رازی نەبوون کە بۆیان دانراوە

وتیشی: بە هۆی 2600 پۆلیسەوە کێشە بۆ مووچەی وەزارەتی کارەبا دروستکرا کە میلاکیان لە سەر وەزارەتی ناوخۆ بووە، بەڵام بە هۆی ئەوەی ئەرکیان پاراستنی دامەزراوەکانی کارەبا بووە، لە وەزارەتی کارەبا مووچەیان وەردەگرت.

دەشڵێت:”لیژنەی چاودێری فیدراڵی وتوویانە ئەو پۆلیسانە میلاکیان لەسەر چ وەزارەتێکە دەبێت لەوێش مووچە وەربگرن و لیژنەکەش بۆ چارەسەرکردنی ئەو پرسە ڕۆژی یەکشەممە سەردانی وەزارەتی کارەبایان کردووە”.

ئاماژەی بەوەشکرد:”لیژنەی چاودێری دارایی عێراق تا کۆتایی ئەم هەفتەیە دەگەڕێتەوە بۆ بەغدا و ڕاپۆرتی خۆیان پێسکەش دەکەن، ئەوەشی خستەڕوو کە چاوەڕوان دەکەن لە سەرەتای هەفتەی داهاتوودا مووچەی وەزارەتی کارەباش دابەش بکرێت”.