شاندێكى ههرێم لهبارهى مووچه سهردانى بهغدا دهكات
دراوى 25 ههزار دینارى عێراق | فۆتۆ: SNN
SNN
وهزیرى كار و كاروبارى كۆمهڵایهتى حكومهتى ههرێمى كوردستان رایگهیاند، به مهبهستى هاوتاکردنی مووچەی خاوەن پێداویستییە تایبەتەکانی هەرێم و چەند پرسێکی تر، لە چەند رۆژی داهاتوودا لیژنەیەکی وەزارەتی کار و کاروباری کۆمەڵایەتیی سەردانی بەغدا دەکات.
ئهمڕۆ دووشهممه 15ى حوزهیران، کوێستان محەمەد، وەزیری کار و کاروباری کۆمەڵایەتی حكومهتى ههرێمى كوردستان به میدیاى یهكێتيى نیشتمانيى كوردستان (كهناڵى تهلهفزیۆنى كوردسات)ى راگهیاند، ” به مەبەستی هاوتاکردنی مووچەی خاوەن پێداویستییە تایبەتەکانی هەرێم لەگەڵ بەغدا، لیژنەیەکی تایبەت پێکهێنراوە و لە چەند رۆژی داهاتوودا سەردانی بەغدا دەکات”.
لهبارهى ئهو پرسانهى له سهردانهكهدا تاوتوێ دهكرێن، وهزیرى كار و كاروبارى كۆمهڵایهتى ئهوهشى خستهڕوو، “لە سەردانەکەدا بڕیارە باس لە پرسی تۆمارکردنی خاوەن پێداویستی تایبەتى نوێ بکرێت، کە لە ساڵی 2013ەوە هیچ ناوێک تۆمارنەکراوە”.
ئهوهشى خستهڕوو، “ئێمە بۆ ئەو مەبەستە پشکنینمان ئەنجامداوە و لیستی نوێمان ئامادەیە کە زیاترە لە 13 هەزار خاوەن پێداویستی تایبەت و کورتەباڵا . هاوکات لەبارەی خەرجکردنی پارەی چاودێریی خێزانیش لیستێکمان ئامادەکردووە و تیایدا ناوی خێزانە هەژارەکان تۆمارکراوە”.
له ماوهى رابردوودا، خاوهن پێداویستیه تایبهتهكان له سلێمانى نیگهرانى خۆیان له كۆنگرهیهكى رۆژنامهوانیدا لهبارهى هاوتانهكردنى مووچهكانیان لهگهڵ خاوهنپێداویستیه تایبهتهكانى بهغدا راگهیاند.
