کۆی داهاتی هەفتەی رابردووی سلێمانی راگەیەندرا

SNN

بەگوێرەی ماڵپەڕی شەفافیەت کۆی داهاتی هەفتەی رابردووی سلێمانی زیاتر لە 9 ملیار دینار بووە، کە بەراورد لەگەڵ هەفتەی پێشووتر دابەزینی بەرچاوی پێوەدیارە.

ماڵپەڕەکە بڵاویکردەوە، لە نێوان 13 تا 9ی تەمووز کۆی گشتیی داهاتی سلێمانی 9 ملیار و 166 ملیۆن و 954 هەزار و 969 دینار بووە.

ئەوەشیخستووەتەڕوو، کە 84٪ی ئەو داهاتە بە شێوەی نەختینە بووە و 16٪ی بە شێوەی چەک بووە.

هەفتەی پێشووتر واتە لە نێوان 6بۆ 12ی تەمووز داهاتی هەفتانەی سلێمانی 18 ملیار و 288 ملیۆن و 918 هەزار و 439 دیناربوو، بەم پێیە داهاتی ئەم هەفتەیە 9 ملیار کەمترە لە داهاتی هەفتەی پێشووتر.