فڕۆکەخانەکانی سلێمانی و هەولێر لەبارەی گەشتەکانەوە روونکردنەوە دەدەن
فڕۆکەخانەی نێودەوڵەتی جەلال تاڵەبانی
SNN
ئەمڕۆ بەهۆی کێشەی ئەلکترۆنییە لە کۆمپانیای مایکرۆسۆفت بەشێکی بەرچاو لە گەشتەکانی فرۆکەخانەکانی ئەمریکا و ئەوروپا و چەند ناوچەیەکی دیکەی جیهان راگیران، بەرپرسانی فڕۆکەخانەکانی سلێمانی و هەولێر لەو بارەوە روونکردنەوە دەدەن.
دانا محەمەد، بەڕێوەبەری راگەیاندنی فڕۆکەخانەی نێوەدەوڵەتیی سلێمانی رایگەیاندووە، گەشتەكانی فڕۆكەخانەکەمان بەردەوامن و كێشەی سیستمی ئەلیكترۆنی كاریگەریی لەسەر گەشتەكانی فڕۆكەخانەكەمان نەبوە.
لای خۆیشیەوە ئەحمەد هوشیار بەڕێوەبەری فڕۆكەخانەی نێودەوڵەتیی هەولێر رایگەیاند، تا ئێستە كێشە ئەلیكترۆنییەكە نەگەیشتووەتە سنووری ڕۆژهەڵاتی ناوەڕاست و هیچ گرفت و كێشەیەكی ئەلیكترۆنی و تەكنیكی لە فڕۆكەخانەی هەولێر دروست نەبووە.
وتیشی، گەشتەكانی فڕۆكەخانەی نێودەوڵەتیی هەولێر ئاساییە و هیچ گەشتێك هەڵنەوەشێنراوەتەوە.
بەهۆی دروستبوونی كێشەی ئەلیكترۆنیەوە دەیان كۆمپانیای فڕۆكەوانی لە ئەمەریكا، ئەورووپا، بەریتانیا، ئوسترالیا، هیندستان گەشتەكانیان ڕاگرت و چەند كەناڵێكی تەلەفیزۆنیش پەخشی ڕاستەوخۆیان وەستێنرا و لە چەند وڵاتێکیش کێشە بۆ بەشێک لە ئامێرەکانی خزمەتگوزاری تەندروستی و پزیشکی دروستبووە.
