“مادده هۆشبهرهكان گهورهترین مهترسین بۆسهر عێراق”
محهمهد شیاع سودانى، سهرۆكوهزیرانى عێراق | فۆتۆ: SNN
SNN
سهرۆكوهزیرانى عێراق رایگهیاند، مادده هۆشبهرهكان گهورهترین مهترسین بۆ سهر عێراق و دهشڵێت: “بهشێكى تیرۆر بهرههمى بهكارهێنانى مادده هۆشبهرهكانه”.
ئهمڕۆ دووشهممه 22ى تهمموز، محهمهد شیاع سودانى، سهرۆكوهزیرانى عێراق لهمیانى بهشداریكردنى له كۆنفڕانسى رووبهڕووبوونهوهى مادده هۆشبهرهكان له بهغدا وتارێكى پێشكهشكرد.
له وتارهكهیدا سهرۆكوهزیرانى عێراق باسى مهترسیهكانى مادده هۆشبهرهكانى كرد و ئهوهى خستهڕوو، “مادده هۆشبهرهكان له ئێستادا گهورهترین مهترسین لهسهر كۆمهڵگهى وڵاتهكهمان”.
وتیشى: “مادده هۆشبهرهكان دهبنه هۆكارى ههڵوهشاندنهوهى خێزانهكان و بهرههمهێنانى تیرۆر. تێڕوانینى ئێمه بۆ ئهم ماددانه تهنیا لهڕووى كاریگهرییه خراپهكانیان لهسهر گهنجان نییه، بهڵكو ئهو گۆشهیهش دهبینین كه دهبێته هۆكارى ناسهقامگیرى كۆمهڵگه”.
لهبارهى سزادانى ئهو كهسانهشى كه بازرگانى به ماددهى هۆشبهر دهكهن سهرۆكوهزیرانى عێراق ئهوهشى خستهڕوو، “به تووندى سزایان دهدهین”.
به وتهى سهرۆكوهزیرانى عێراق، “له ئێستادا لهگهڵ وڵاتانى دراوسێ له گفتوگۆدان بهمهبهستى ههماههنگى كردن بۆ رووبهڕووبوونهوهى بازرگانى به ماددهى هۆشبهر و دروستكردنى پلاتفۆڕمێكى هاوبهش بهمهبهستى به سزاگهیاندنى ئهو كهسانهى بازرگانى بهم ماددانهوه دهكهن”.
