عێراق داوای پارەی سندوقی خانەنشینی هەرێم دەکات کە نیەتی

SNN

سۆران عومەر، ئەندامی ئەنجوومەنی نوێەنارنی عێراق رایگەیاند، حکومەتی هەرێم 32 ساڵە مانگانە لەسەدا 7ی مووچەی لەفەرمانبەران بڕیوە بۆ سندوقی خانەنشینی! بەڵام تاکو ئێستە سندوقی نەبووەو نازانرێ ئەو پارەی چی لێکردووە.

دەشڵێت: کاتێک بەبڕیاری دادگای فیدراڵی مووچەی خانەنشینی هاوتای عێراق دەکرێ لەسندوقی خانەنشینی عێراق مووچەی خانەنشینی مەدەنی و سەربازی دەدرێت، بەڵام پێویستە حکومەتی هەرێم پارەی لێبڕینی چەندین ساڵی ڕابردوی فەرمانبەران تەسلیمی سندوقی خانەنشینی عێراق بکات! جگە لەوە وردبینی لە دۆسێی خانەنشینان دەکرێت بەتایبەت سەربازی کە پڕە لە ناموستەحەق و نایاسایی.

وتیشی “بەپێی یاسای ژمارە (9)ی ساڵی (2014) یاسای خانەنشینی یەکگرتووی عێراق مانگانە %25ی موچەی فەرمانبەران دەخڕیتە سندوقی خانەنشینی %10ی لەموچەی فەرمانبەران دەبڕدرێت و %15 حکومەت تەمویلی سندوقەکە دەکات، لەسەرەتای ئەمساڵەوە کەمووچە لەعێراقەوە هاتووە ئەو لێبڕینەی خانەنشینی عێراق لەموچەی فەرمانبەرانی هەرێمی بڕیوەو داخڵی سندوقی خانەنشینی کردووە.