“ئهو هێزهى ههڵیكوتایهسهر ماڵى مهلا عومهر به ههڵه ئهو كارهیان كردووه”
مهلا عومهر دارهتوو، كهسایهتى تۆڕه كۆمهڵایهتیهكان | فۆتۆ: تۆڕه كۆمهڵایهتیهكان
SNN
شهوى رابردوو هێزێكى ئهمنى ههڵیانكوتاوهتهسهر ماڵى مهلا عومهر دارهتوو كهسایهتى دیارى تۆڕه كۆمهڵایهتیهكان، دواتر پارێزگارى ههولێر پهیوهندى پێوهكردووه و ئاماژهى بهوهكردووه كه ئهو هێزه به ههڵه ههڵیكوتاوهتهسهر ماڵى ئهو كهسایهتیه.
مهلا عومهر دارهتوو كهسایهتیهكى تۆڕه كۆمهڵایهتیهكانه، خۆى به “چارهسهركار” دهناسێنێت. شهوى رابردوو هێزێكى ئهمنى زۆر ههڵیانكوتایهسهر ماڵهكهى له دارهتووى ههولێر، بهڵام بههۆى ئهوهى لهماڵ نهبووه نهیانتوانيوه دهستگیرى بكهن، پاشان ئهو كهسایهتیه بۆ شوێنێكى نادیار ههڵات”.
بهپێى زانیارییهكانى SNN كه له سهرچاوهیهكى ئاگادار له رووداوهكه دهستیكهوتوون، “ئهمڕۆ ههریهكه له ئومێد خۆشناو، پارێزگارى ههولێر و بارزان قهساب، بهرپرسى ئاسایشى گشتى ههولێر پهیوهندیان پێوهكردووه و پێیانراگهیاندووه كه ئهو هێزهى ههڵیكوتاوهتهسهر ماڵهكهى به ههڵه ئهو كارهیان كردووه”.
ههر بهپێى زانیارییهكان، “تاوهكو ئێستا ئهو كهسایهتیه نهگهڕاوهتهوه ماڵهكهى بههۆى ئهو رووداوهى كه روویداوه”.
جێگهى ئاماژه پێكردنه كه تاوهكو ئێستا هێزه ئهمنییهكانى ههولێر هیچ روونكردنهوهیهكیان لهبارهى رووداوهكهوه بڵاونهكردهوه.
