وادەی خەرجکردنی مووچەی مانگی حەوت ئاشکرابوو

SNN

وردبینی لیستی مووچەی مووچەخۆرانی هەرێم بۆ مانگی حەوت لەلایەن دارایی عیراقەوە دەستیپێکردووە، لەدوای تەواوبوونی وردبینی بڕیاری خەرجکردنی دەدرێت.

د. نەرمین مەعروف ئەندامی لیژنەی دارایی لە ئەنجومەنی نوێنەرانی عیراق بە ماڵپەڕی فەرمی یەکێتی راگەیاند، “لەگەڵ ناردنی لیستی مووچەی مانگی حەوتی مووچەخۆرانی هەرێم بۆ بەغدا، دارایی عێراق دەست بە وردبینی لیستی مووچە کردووە و لەگەڵ تەواوبوونی وردبینی بڕیاری خەرجکردنی مووچە دەدرێت”.

ئاماژەی بەوەکردووە، نەک تەنها بۆ مووچەخۆرانی هەرێم، بەڵکو ئەرکی وەزارەتی داراییە مانگانە وردبینی لە لیستی مووچەی مووچەخۆرانی عیراقیشدا بکات و پاش وردبینی بڕیاری خەرجکردنی دەدرێت.

ئەو ئەندامەی ئەنجوومەنی وەزیران روونیکردووەتەوە، ئەو گرفتانەی لە لیستی مووچەخۆرانی هەرێمدا هەیە چارەسەربکرێت ئەوا بە یەک میکانیزم لەگەڵ مووچەخۆرانی عێراق مانگانە مووچەکانیان پێدەدرێت.