“بیاره وهك یهكهمین گوندى گهشتیاریى عێراق دهناسێنرێت”
سروشتى ناحیهى بیاره | فۆتۆ: Rudaw
SNN – عەلی حەمە سەعید
بەڕێوەبەری ناحیەی بیارە سەربە پارێزگای هەڵەبجە ئاماژه بهوهدهكات، دەستەی گەشتوگوزاری عێراق رێكارەكانی ناساندنی ناحییەی بیارەیان وەك گوندێكی گەشتیاری دەستپێكردووە، دهشڵێت: “ئهم بابهته رۆڵێكى گهورهى دهبێت له گهشهدان به ئابوورى ناحیهكه”.
حەمید بارام، بەڕێوبەری ناحیەی بیارە سهربە پارێزگاى ههڵهبجه لهو بارهیهوه به SNNی راگەیاند، “ماوەیەكی زۆرە لەڕێگەی دەستەی گشتی گەشتوگوزاری هەرێم و بەڕێوەبەرایەتی گشتی گەشتوگوزاری هەڵەبجەوە كار بۆ ئەوە دەكەین كە ناحیەی بیارە وەك گوندێكی گەشتیاری لەلایەن عێراقەوە بناسرێت، هەر لەو چوارچێوەیەشدا شاندێكی دەستەی گەشتوگوزاری عێراق سەردانی ناحیەی بیارەیان كردووە و رێكارەكانی ناساندنی بیارەیان وەك گوندێكی گەشتیاری دەستپێكردوە”.
لهبارهى كاریگهرییهكانى ناساندنى ناحیهكه وهك گوندێكى گهشتیارى حەمید بارام وتیشى: “ناساندنی ناحیەكە وەك گوندێكی گەشتیاری كاریگەری لەسەر زیادبوونی دەرفەتی كار و هاتنی گەشتیاران و جێبەجێكردنی پرۆژەی گەشتیاری و دابینكردنی بودجەش دەبێت بۆ ناوچەكە”.
به وتهى بهڕێوهبهرى ناحیهكه، “هەموو ئەو پێوەرانەی بۆ ناساندنی گوندێكی گەشتیاری گرنگن لە ناحیەی بیارەدا بوونیان هەیە”، بۆیە ئامانجیانە بەزوترین كات پرۆژەكە جێبەجێبكرێت و بۆئەو مەبەستەش هەموو كارئاسانییەك پێشكەش دەكەن.
هەوڵەكانی دەستەی گەشتوگوزاری عێراق بۆناساندنی ناحییەی بیارە وەك گوندێكی گەشتیاری لەكاتێكدایە كە ناحیەی بیارە لهنێو ناوچهى ههورامان ههڵكهوتووه و خاوەنى سروشتێكی جوان و كەشوهەوایەكی پاكە و ساڵانە لە وەرزە جیاوازەكاندا بە هەزاران گەشتیاری ناوخۆیی و بیانی سەردانی دەكەن. جگە لە گهشتیارى وهرزى ساڵانه ژمارەیەكی زۆر لە گەشتیاری ئاینیش سەردانی دەكەن بەهۆی بوونی مەزاری شێخانی نەقشبەنی لەو سنوورە.
