چه‌ند كارمه‌ندێكى كۆمپانیاى نه‌وتى باكوور ده‌ستگیر كران
ئۆفیسى سه‌ره‌كى كۆمپانیاى نه‌وتى باكوور | فۆتۆ: المسرى
SNN
چه‌ند كارمه‌ندێكى كۆمپانیاى نه‌وتى باكوور به تۆمه‌تى ئه‌نجامدانى گه‌نده‌ڵى و پێدانى رێژه‌یه‌كى زیاتر له‌و بڕه نه‌وته‌ى كه بۆى دابینكراوه به پاڵاوگه‌كانى هه‌رێمى كوردستان ده‌ستگیر كران.
ئه‌مڕۆ چوارشه‌ممه 24ى ته‌مموز، پێگه‌ى به‌غداد الیومى عێراقى له‌سه‌رزارى سه‌رچاوه‌كانیه‌وه بڵاویكرده‌وه كه، “هێزێكى تایبه‌ت له به‌غداوه هاتوون و چه‌ند كارمه‌ندێكى كۆمپانیاى نه‌وتى باكووریان ده‌ستگیر كردووه به تۆمه‌تى گه‌نده‌ڵى”.
له‌باره‌ى ورده‌كارى دۆسیه‌كه‌وه ئه‌و پێگه عێراقیه ئه‌وه‌شى ئاشكرا كردووه، “تۆمه‌تباره‌كان به‌وه تۆمه‌تبار كراون كه زیاتر له‌و بڕه نه‌وته‌ى كه دیاریكراوه بۆ پاڵاوگه‌كانى هه‌رێمى كوردستان، رۆژانه نه‌وتیان هه‌نارده كردووه بۆ ئه‌و پاڵاوگانه به‌مه‌به‌ستى پاڵاوتنى”.
باسى له‌وه‌شكردووه، “تۆمه‌تباره‌كان به‌هۆى ئه‌و كاره‌یان له‌لایه‌ن هێزه تایبه‌ته‌كه‌ى به‌غداوه ده‌ستگیر كراون”.
