بافڵ تاڵهبانى لهگهڵ کونسوڵی گشتیی فەڕەنسا كۆبوهوه
كۆبوونهوهى سهرۆكى یهكێتى و کونسوڵی گشتیی فەڕەنسا له دهباشان | فۆتۆ: SNN
SNN
بافڵ جەلال تاڵەبانی، سەرۆکی یەکێتیی نیشتمانیی کوردستان لە دەباشان پێشوازی لە یان برێم، کونسوڵی گشتیی فەڕەنسا لە هەرێمی کوردستان کرد.
لەدیدارێكدا دۆخی گشتیی هەرێمی كوردستان، پرسی هەڵبژاردن و چارەسەركردنی كێشەكانی نێوان هەولێر و بەغدا گفتوگۆیان لەبارەوەكرا و جەخت لە پاراستنی بەرژەوەندییە باڵاكان و سەقامگیریی ناوچەكە كرایەوە.
لەدرێژەی دیدارەكە سەرۆك بافڵ جەلال تاڵەبانی ئاماژەی بە هەنگاوەكانی یەكێتی كرد بۆ پاراستنی مافەكانی خەڵك و دوورخستنەوەیان لە ململانێ سیاسییەكان و رایگەیاند، ئامانجی ئێمە ئاشكرایە و نامانەوێت گوزەرانی خەڵك تێكەڵی ململانێ سیاسییەكان بكرێت، هەوڵی ئێمە بۆ دەستەبەركردنی داهاتوویەكی سەقامگیرترە بۆ خەڵكەكەمان و دابینكردنی ژیانێكی شایستەیە بۆیان، لەو پێناوەشدا هەموو هەنگاوێكمان ناوە و بەردەوامیش دەبین.
لەبارەی بەڕێوەچوونی هەڵبژاردن لە هەرێمی كوردستان، سەرۆك بافڵ وتی، دۆخی حوكمڕانی لەهەرێمی كوردستان پێویستی بە گۆڕانكاری و پێداچوونەوەیە، هەڵبژاردنیش باشترین رێگەیە تاوەكو خەڵك مافە یاسایی و دیموكراسییەكانی خۆیان پەیڕەوبكەن و گۆڕانكاریی ئەرێنی بهێننە كایەوە، هەموو هەوڵێكیش بۆ دروستكردنی بەربەست و دواخستنی هەڵبژاردن، لێدانە لەخواستی خەڵك و هیوادارین هەڵەی لەو شێوەیە نەكرێت.
