شاندێکی هەرێم بۆ هاوتاکردنی مووچەی خاوەن پێداویستی تایبەت دەچێتە بەغدا

SNN

هەفتەی داهاتوو شاندێکی باڵای هەرێم بەمەبستی هاوتاکردنی مووچەی خاوەن پێداویستییە تایبەتەکان و پارەی چاودێری خێزان سەردانی بەغدا دەکات.

ئەمڕۆ سێشەممە 30ی تەمموز، کوێستان محەمەد، وەزیری کاروباری کۆمەڵایەتی هەرێم لە کۆنگرەیەکی رۆژنامەوانیدا رایگەیاند، بەمەبەستی زیادکردنی مووچەی خاوەن پێداویستییە تایبەتەکان و هاوتاکردنی مووچەکانیان لەگەڵ عێراق، لە سەرەتای مانگی داهاتوو وەفدێک دەچێتە بەغدا.

ئاشکرایکردووە، لە هەرێم 72 هەزار کەمئەندام بوونیان هەیە کە ناوی زیاتر لە 13 هەزار تۆماری نوێن، هاوکات ناوەکانیان نێردراوەتە بەغدا و گەیشتووەتە دەست وەزارەتی دارایی عێراق.

ئاماژەی بەوەکردووە، جگە لە باسکردنی هاوتاکردنی مووچەی خاوەن پێداویستییە تایبەتەکان لە هەمان کاتدا داوای پارەی چاودێری خێزان دەکەن کە لە ساڵی 2015وە بڕدراوە.

کوێستان محەمەد لەو بارەیەوە دەڵێت “دەمانەوێت هەژارەکانی هەرێمیش هاوشێوەی شارەکانی دیکەی عێراق سوودمەند بن لەو هاوکارییەی لە بودجەی گشتی دابیندەکرێت لە عێراقدا.”