بەمەبەستی بەكارهێنانیان بۆدەنگدان لەبەرژەوەندی خۆی، پارتی رێگرە لە گەڕانەوەی ئاوارەكان بۆ زێدی خۆیان

SNN-عەلی حەمە سەعید

سەرەڕای ئەوەی سەرجەم ئەو ئاوارانەی كە لە سنووری پارێزگای سلێمانی نیشتەجێبوون سەرجەمیان گەریندراونەتەوە زێدی خۆیان و كۆتا كەمپی ئاوارەكان لە سنووری سلێمانی داخراوە، بەڵام بەمەبەستی بەكارهێنانیان بۆدەنگدان لەبەرژەوەندی خۆی، لە سنووری هەولێر و دهۆك پارتی رێگرە لە گەڕانەوەی ئاوارەكان بۆ زێدی خۆیان.

بەگوێرەی بەدواداچوونەكانی SNN تا ئێستا نزیكەی 27 هەزار ئاوارەی ناوچەی شەنگال و پارێزگاكانی دیكەی عێراق لە كەمپەكانی سنووری پارێزگاكانی هەولێر و دهۆك ماون و هەرچەند وەزارەتی كۆچ و كۆچبەرانی عێراقی هەموو ئاسانكاریەكی كردووە بۆ ئەوەی ئەو كۆچبەرانە بگەڕێنەوە زێدی خۆیان، بەڵام لەلایەن پارتییەوە ڕێگری لە گەڕانەوەی ئەو ئاوارانەوە دەكرێت و تەنانەت هەڕەشی لە هەندێك لەو خێزانانە كردووە ئەگەر بگەڕێنەوە زێدی خۆیان زیانیان پێدەگەیەنێت.

ئاماژە بەوەشكراوە، مەبەستی سەرەكی پارتی لەو ڕێگریانە بۆ گەڕانەوەی ئاوارەكانی نیشتەجێی كەمپەكانی هەولێر و دهۆك بۆ زێدی خۆیان بۆ ئەوە دەگەڕێتەوە كە پارتی وەك پیشەی هەمیشەیی دەیەوێت هەرچۆنێك بووە ڕێگری بكات لە گەڕانەوەی ئەو ئاوارانە تا دوای پرۆسەی دەنگدان بۆ ئەوەی لەكاتی بەرێوەچوونی دەنگدانی پەرلەمان لەبەرژەوەندی خۆی بەكاریان بهێنێت و ساختەكاریان پێبكات لە پرۆسەكەدا، بۆیە پەرۆشی مانەوەی ئەو ئاوارانەیە لە كەمپەكاندا.

ڕێگرییەكانی پارتی لە گەڕانەوەی ئاوارەكان بۆ زێدی خۆیان لەكاتێكدایە كە زیاد لە دووهەفتەیە سەرجەم ئاوارەكانی نیشتەجێی كەمپی ئاشتی لە سنووری پارێزگای سلێمانی بەچاودێری وەزارەتی كۆچ و كۆچبەرانی عێراق گەڕێندرانەوە زێدی خۆیان و كەمپەكەش بەتەواوی دارخرا.