ئیسماعیل ههنیه كوژرا و بزووتنهوهى حهماس پشتڕاستى كردهوه
ئیسماعیل ههنیه، سهرۆكى مهكتهبى سیاسى بزووتنهوهى حهماس | فۆتۆ: Polatico
SNN
بهرهبهیانى ئهمڕۆ چوارشهممه، ئیسماعیل ههنیه سهرۆكى مهكتهبى سیاسى بزووتنهوهى حهماس له تاران كوژرا.
بهپێى میدیاكانى جیهان، ههنیه و دوو له پاسهوانهكانى لهنێو شوێنى حهوانهوهى خۆیاندا له تاران به مووشهك لهڕێگهى فڕۆكهى بێ فڕۆكهوانه كرانه ئامانج و گیانیان لهدهستدا.
لهدواى گیانلهدهستدانى ههنیه، ئهنتۆنى بلینكن، وهزیرى دهرهوهى ئهمریكا رایگهیاند، “ئێمه نامانهوێت شهڕهكه فراوانتر ببێت، بهڵام ئهگهر هێرشبكرێتهسهر ئیسرائیل بهرگریی لێدهكهین”.
وتیشى: “ههوڵدهدهین لهڕێگهى دیپلۆماسیهوه گرژیهكان هێوربكهینهوه و بگهینه چارهسهر”.
ئهم ههڵوێستهى ئهمریكا لهكاتێكدایه كه له ئێستادا ئهنجوومهنى نیشتمانى ئێران به بهشدارى فهرماندهكانى سوپاى پاسداران له كۆبوونهوهى نائاسایدایە و وهزارهتى دهرهوهى ئهو وڵاتهش رایگهیاند، “لێكۆڵینهوه لهو بارهیهوه دهكهین، ناهێڵین خوێنى ئیسماعیل ههنیه و هاوڕێكانى بهفیڕۆ بچێت”.
هاوكات، وهزارهتى دهرهوهى توركیا له بهیاننامهیهكى فهریمدا كوشتنى ههنیهى سهركۆنه كرد و داواى لێكۆڵینهوهى كرد لهو بارهیهوه.
