ئهمریكا ههڵوێستى خۆى لهسهر كوشتنى ئیسماعیل ههنیه راگهیاند
ئهنتۆنى بلینكن، وهزیرى دهرهوهى ئهمریكا | فۆتۆ: Reuters
SNN
ئهمریكا ههڵوێستى خۆى لهسهر كوژارنى ئیسماعیل ههنیه راگهیاند و وهزیرى دهرهوهى ئهو وڵاته رایگهیاند، نامانهوێت شهڕهكه فراوان ببێت، بهڵام ئهگهر هێرشبكرێتهسهر ئیسرائیل بهرگریی لێدهكهین.
بهرهبهیانى ئهمڕۆ چوارشهممه 31ى تهمموز، سهرۆكى مهكتهبى سیاسى بزووتنهوهى حهماس له تارانى پایتهختى ئێران كوژرا و مهكتهبى سیاسى ئهو بزووتنهوهیهش ههواڵهكهى پشتڕاستكردهوه كه، “ههنیه له شوێنى مانهوهى خۆى له تاران لهگهڵ دوو پاسهوانى كوژراوه”.
لهو بارهیهوه، كهمێك لهمهوبهر، ئهنتۆنى بلینكن، وهزیرى دهرهوهى ئهمریكا رایگهیاند، “ئێمه نامانهوێت شهڕهكه فراوانتر ببێت، بهڵام ئهگهر هێرشبكرێتهسهر ئیسرائیل بهرگریی لێدهكهین”.
وتیشى: “ههوڵ دهدهین لهڕێگهى دیپلۆماسیهوه گرژیهكان هێوربكهینهوه و بگهینه چارهسهر”.
ئهم ههڵوێستهى ئهمریكا لهكاتێكدایه كه له ئێستادا ئهنجوومهنى نیشتمانى ئێران به بهشدارى فهرماندهكانى سوپاى پاسداران له كۆبوونهوهى نائاسایدایە و وهزارهتى دهرهوهى ئهو وڵاتهش رایگهیاند، “لێكۆڵینهوه لهو بارهیهوه دهكهین، ناهێڵین خوێنى ئیسماعیل ههنیه و هاوڕێكانى بهفیڕۆ بچێت”.
هاوكات، وهزارهتى دهرهوهى توركیا له بهیاننامهیهكى فهریمدا كوشتنى ههنیهى سهركۆنه كرد و داواى لێكۆڵینهوهى كرد لهو بارهیهوه.
