تورکیا بەکارهێنانی ئینستاگرامی راگرت

SNN-

تورکیا بەکارهێنانی ئەپڵیکەیشنی ئیسنتاگرامی راگرت و هاووڵاتییانی ئەو وڵاتە ناتوانن ئەپڵیکەیشنەکە بەکاربهێنن.

دامەزراوەی پەیوەندی و زانیارییە تەکنۆلۆژییەکان لە تورکیا لە راگەیەندراوێکدا بڵاویکردووەتەوە”بە بڕیاری دامەزراوەکەمان، لە ئەمڕۆ هەینی 2ـی ئابەوە، رێگری لە کارکردنی ئینستاگرام دەکرێت، بەڵام بێ ئەوەی هۆکارەکەی روونبکەنەوە”.

رۆژی 31ـی تەمووزی 2024 فەخرەدین ئاڵتون، سەرۆکی فەرمانگەی پەیوەندییەکانی سەرۆکایەتیی کۆماری تورکیا:”بە توندی سەرکۆنەی ئینستاگرام دەکەین کە بەبێ پیشاندانی هیچ پاساوێک، رێگریی لە پرسەی هاووڵاتییانمان دەکات کە بەبۆنەی شەهیدبوونی ئیسماعیل هەنییەوە بڵاویدەکەنەوە. ئەم کارە هەوڵێکی سانسۆرکردنی زۆر روون و ئاشکرایە.”