ئەو سەبازانەی تورکیا کە بەشداری ئۆپراسیۆنەکانی خاکی هەرێم ناکەن سزا دەدرێن

SNN

بەهۆی بەشدارینەكردنیان لەئۆپراسیۆنە سەربازییەكانی وڵاتەكەیان لە هەرێمی كوردستان، شەش سەربازی توركیا سزا دەدرێن، فەرماندەی سوپای تورکیاش سەرجەم سەربازانی ئاگادار کردووتەوە کە هەر سەبازێکی تورک و کرمانج کە بەشداری ئۆپراسیۆنەکانی هەرێم ناکات سزای قورس دەدرێت.

ئاژانسی میزۆپۆتامیا ئەوەی راگەیاند، دوای ئەوەی سەربازەكانی توركیا لە جۆلەمێرگ ئاگاداركرانەوە بۆ بەشداریكردنیان لە ئۆپراسیۆنەكانی سەر هەرێمی كوردستان، بەبیانوی نافەرمانی و پابەندنەبوون بە یاسای سەربازی و وازهێنان لە ئەرك، سكاڵای یاسایی لەسەر شەش سەرباز تۆماركرا كە ئامادەنەبوون بەشداری هێرشەكانی توركیا بكەن لە هەرێمی كوردستان.

ئاماژەی بۆ ئەوەشكردووە، لێكۆڵینەوە لە دژی ئەو كەسانە دەكرێتەوە كە بەشداری ئۆپەراسیۆنەكە ناكەن و تا 400 هەزار لیرە سزا دەدرێن.