وهزارهتى شارهوانى ملیارێكى له داهاتى سلێمانى بۆ پرۆژهكانى سلێمانى خهرج كرد
سلێمانى، پایتهختى رۆشنبیرى ههرێمى كوردستان | فۆتۆ: SNN
SNN
وهزارهتى شارهوانى و گهشتوگوزارى حكومهتى ههرێمى كوردستان له بهیاننامهیهكدا ئاشكراى كرد، بڕیاماندا به تهرخانكردنى ملیارێك و 148 ملیۆن دینار بۆ 9 پرۆژهی سلێمانی له داهاتى ناوخۆیی شارهكه.
له بهیاننامهیهكدا، كه ئهمڕۆ سێشهممه 6ى ئاب، بڵاوكراوهتهوه لهلایهن وهزارهتى شارهوانى و گهشتوگوزارهوه هاتووه، “وهزارهتی شارهوانی و گهشتوگوزار گوژمهی ملیارێك و 148 ملیۆن دینار بۆ 9 پرۆژهی سلێمانی خهرج دەکات. وهزارهتی شارهوانی و گهشتوگوزار له چهند فهرمانێكی وهزاری خۆیدا، ڕهزامهندیی لهسهر خهرجكردنی چهند گوژمهیهك دهدات؛ بۆ جێبهجێكردنی 9 پرۆژهی خزمهتگوزاری له بوارهكانی دروستكردنی ئاوهڕۆ و تۆڕی ئاو و شهقام و چاككردنهوهی شهقام له سنووری سهرۆكایهتیی شارهوانییهكانی سلێمانی و بهڕێوهبهرایهتیی گشتیی شارهوانییهكانی سلێمانی”.
له بهشێكى ترى بهیاننامهكهدا ئهوهشخراوهتهڕوو، “بهپێى فهرمانهكانی وهزارهتی شارهوانی و گهشتوگوزار، ئهو گوژمانه لهسهر ڕێژهی 15% و 17% و 100%ی داهاتهكانی بهڕێوهبهرایهتیی ئاو و سهرۆكایهتیی شارهوانی و بهڕێوهبهرایهتیی گشتیی شارهوانییهكانی سلێمانییه”.
