کۆبوونەوەی تەیف سامی لەگەڵ لیژنەی دارایی پەرلەمانی عێراق دواخرا

SNN

وابڕیاربوو ئەمڕۆ چوارشەممە تەیف سامی ئامادەی بەردەم لیژنەی دارایی پەرلەمانی عێراق بێت، بەڵام بەهۆی نەخۆشکەوتنی نەیتوانیوە و ئامادەبێت، بەو هۆیەوە کۆبوونەوەکە دواخراوە.

وابڕیار بوو ئەمڕۆ چوارشەممە 7ی ئاب، تەیف سامی، وەزیری دارایی عێراق ئامادەی لیژنەی دارایی ئەنجوومەنی وەزیران بێت و گفتوگۆ لەبارەی چەند پرسێکەوە بکەن، بەڵام ناوبراو بەهۆی ناساغییەوە نەیتوانیوە ئامادەی کۆبوونەوەکە بێت، بەو هۆیەوە کۆبوونەوەی تەیف سامی لەگەڵ پەرلەمانی عێراق دواخراوە بۆ دوای تەواوبوونی مەراسیمی چلەی ئیمام حوسێن.

لەوبارەیەوە پێشتر د.جەمال كۆچەر، ئەندامی لیژنەی دارایی لە ئەنجومەنی نوێنەرانی عێراق بەSNN-ی ڕاگەیاندبوو: ئامانج لە کۆبوونەوەکەی تەیف سامی و لیژنەی دارایی پەرلەمانی عێراق بۆ گفتوگۆكردنبووە لەبارەی چەند پرسێكەوە كە گرنگترینیان بریتییە لە بابەتی دواكەوتنی مووچەی فەرمانبەرانی هەرێمی کوردستان کە مانگانە لەكاتی خۆیدا ڕەوانەناكرێت و هەروەها بابەتی هاوتاكردنی مووچەی خانەنشینان و بەرزبوونەوەی نرخی دۆلاریش تاوتوێ‌ دەكرێت.