ئەمڕۆ “دزی سەدە” لە بەغدا دادگایی دەکرێت

SNN

ئەمڕۆ یەکەمین دانیشتنی دادگاییکردنی نور زوهەیر کە یەکێکە لە تۆمەتبارانی تاوانی”دزی سەدە” لە بەغدا بەڕێوەدەچێت.

ئەمڕۆ چوارشەممە 14ی تەمموز، لە دادگای  کەرخ، یەکەمین دانیشتنی دادگاییکردنی نور زوهەیر کە یەکێک لە تۆمەتبارانی “تاوانی دزی سەدە” بەپێی ماددەی 331 لە یاسای سزادانی عێراقی بەڕێوەدەچێت.

بەگوێرەی میدیای عێراقییەکان، تاوانی دزی سەدە لە کۆتایی ساڵی 2022 و لە سەردەمی موعین کازمی ئاشکراکراوە، کە پێکهاتبوو لە دزینی زیاتر لە 11 ترلیۆن دینار، کە لە پارەی باج و بردنی بەشێکی پارەکە بۆ دەرەوەی وڵات.

هاوکات،لە تاوانی دزی سەدەدا نزیکەی 30 کەس تێوەگلاون، بەڵام تەنها چەند کەسێکی کەمیان دەستگیرکراون، کە نور زوهەیر یەکێک بوو لە دەستگیرکراوەکان نۆ کەس تاوانباری سەرەکین.

دیارترین تاوانبارانی “دزی سەدە” محەمەد قاسم، بەڕێوەبەری جێبەجێکاری کۆمپانیای الحوت الاحدب، کە لە هەرێمی کوردستان دەستگیرکراوە، 988 ملیاری دزیوە کە ئەوەش روون نییە و زیاتر لەو ژمارەی دزیوە، دووەم تاوانباری دزی سەدە محەمەد فەلاح جەنابییە بەڕێوەبەری جێبەجێکاری کۆمپانیای القانتە، کە تۆمەتبارە بە دزینی ترلیۆنێک و 85 ملیار دینار لە رێگەی 79 چەکی بانکی ساختەوە کارەکەی کردووە، تاکو ئێستا لەو 11 ترلیۆن دینارەی دزراوە تەنها 600 ملیاری گەڕێنراوەتەوە.