یسرائیل کاتز: لە ئەگەری هێرشی ئێران وڵاتانی رۆژئاوایی هاوکاریمان دەکەین

SNN

وەزیری دەرەوەی ئیسرائیل ڕایگەیاند، چاوەڕوان دەکات فەرەنسا و بەریتانیا بە ئاشکرا هۆشداری بە ئێران بدەن کە ئەگەر هێرش بکرێتە سەر ئیسرائیل، دەچنە پاڵ هاوپەیمانی دژ بە ئێران، کە ئەمریکا سەرکردایەتی دەکات.

یسرائیل کاتز، وەزیری دەرەوەی ئیسرائیل لە دیدارێکدا لەگەڵ هاوتا بەریتانی و فەرەنسیەکانی ئاماژەی بەوەدا، کە وڵاتەکەی پێشبینی دەکات ئەم هاوپەیمانییە نەک تەنیا لە بواری بەرگریدا، بەڵکو لە هێرشکردنە سەر ئامانجە گرنگەکانی ئێرانیشدا بەشداری بکات.

جەختی لەوەش کردەوە کە “ئیسرائیل ناتوانێت هیچ هێرشێکی ئێران بەبێ وەڵامدانەوە بهێڵێتەوە”.

هاوکات میدیاکانی ئیسرائیل بڵاویانکردەوە، بەپێی لێکدانەوە و زانیارییە هەواڵگرییەکان تائێستا ئەگەری هێرشی حزبوڵای لوبنان و ئێران بۆ سەر وڵاتەکەیان ئەگەرێکی کراوەیە و لە ئان و ساتدایە.