بەرپرسە سەربازییەکانی ئیسڕائیل “شەڕ لە غەززە راگیرا”
سوپای ئیسڕائیل
SNN
دەستەی پەخشی ئیسڕائیلی لە زاری بەرپرسە سەربازی و ئەمنییەکانی ئیسڕائیلەوە رایگەیاند، کە شەڕ لە غەززە کۆتایی هاتووە و کاتی ئەوەش هاتووە، لە گرێبەستێکدا لە نێوان سوپا و حەماس دیلەکانی ئیسڕائیل ئازاد بکرێن.
بەرپرسە سەربازییەکانی ئیسڕائیل ئاماژەیان بەوە کردووە، ئیسڕائیل لەکاتی ئێستادا لە غەززەدا کشاوەتەوە بەڵام کەی پێویست بکات دووبارە دێینەوە نێو غەززە و بەردەوامی بە ئۆپراسیۆنەکان دەدەین.
ئاماژە بەوەش دەکرێت، راگرتنی شەڕ لە غەززە، پێدەچێت تەکتیکێکی سەربازی سوپای ئیسڕائیل بێت لە تا دوو بەرە جەنگ نەکات و هێرشە مووشەکییەکانی حیزبوڵای لوبنانی لە باکووری وڵاتەوە رابگرێت، باس لەوەشدەکرێت کە ئەگەری زۆرە ئیسڕائیل بەهۆی فشارە ناوخۆییەکانی بۆ ئازادکردنی دیلەکانیان لە دەستی حەماس شەڕی لە نێو غەززەدا راگرتبێت.
