پۆلیسی هەڵەبجە: تۆمەتبارانی کوشتنی کۆڵبەرەکەی سەرگەت دەستگیرکران
SNN-
وتەبێژى پۆلیسى پارێزگاى هەڵەبجە رایگەیاند، تۆمەتبارەکانى رووداوى کوشتنى کۆڵبەرەکەى سەرگەتی ناوچەی هەورامان دەستگیرکراون و رادەستى یاسا کراون.
شەوی رابردوو کۆڵبەرێکی تەمەنى 27 ساڵ دانیشتووى گوندى سەرگەت لەناوچەى هەورامان لە لایەن هێزەکانی پاسەوانی سنوورەوە کوژرا.
بەرزان عوسمان، وتەبێژى پۆلیسى پارێزگاى هەڵەبجە رایگەیاند، ئەو کەسانەیان دەستگیرکردووە کە تۆمەتبارن بە کوشتنی کۆڵبەرەکەی گوندی سەرگەت و لێکۆڵینەوە لە رووداوەکە دەستیپێکردووە.
دوای رووداوەکەش دانیشتووانى گوندى سەرگەت هەڵیانکوتایە سەر بنکەیەکى پاسەوانیى سنوور و بەهەوڵى پۆلیس و ئاسایشى ناوچەکە توانرا دۆخەکە هێوربکرێتەوە.
