“عهمبارهكانى بهڕێوهبهرایهتى كانزاكانى سلێمانى هیچ بڕه نهوتێكیان تێدا نییه”
دابهشكردنى نهوتى سپى بهسهر هاووڵاتییاندا له پارێزگاى ههڵهبجه | فۆتۆ: SNN
SNN
عهمبارهكانى بهڕێوهبهرایهتى نهوت و كانزاكانى سلێمانى هیچ بڕه نهوتێكیان تێدا نییه و وهزارهتى سامانه سروشتیهكانى حكومهتى ههرێمى كوردستانیش ئامادهنییه وهڵامى نووسراوهكانى ئهو بهڕێوهبهرایهتیه بداتهوه.
لهگهڵ نزیكبوونهوهى هاتنى وهرزى پایز و كۆتایی وهرزى هاوین هاووڵاتیان به گشتى و هاووڵاتیانى ناوچه شاخاویهكان بهتایبهتى دهستبه كڕینى نهوتى سپى دهكهن و چاوهڕێى دابهشكردنى نهوتیشن لهلایهن حكومهتى ههرێمهوه، بهڵام بۆ ئهمساڵى 2024 حكومهتى ههرێم ئامادهكاریی بۆ دابهشكردنى نهوتى سپى نهكردووه.
له ماوهى یهك ههفتهدا نرخى یهك بهرمیل نهوتى سپى لهنێو بازاڕى سلێمانى له 125 ههزار دینارهوه بۆ 135 ههزار دینار بهرزبووهتهوه.
بهپێى زانیارییهكانى SNN، “بهڕێوهبهرایهتى نهوت و كانزاكانى سلێمانى له ئێستدا هیچ بڕه نهوتێكى لهبهردهستدا نییه بۆ دابهشكردن. له رۆژى 5ى ئاب-یشهوه نووسراوى فهرمیان كردووه بۆ وهزارهتى سامانه سروشتیهكان تاوهكو نووسراوهكه پهسهندبكات و رهوانهى ئهنجوومهنى وهزیرانى بكات، بهڵام نه وهزارهتى سامانه سروشتیهكان و نه ئهنجوومهنى وهزیران ئامادهنین وهڵامى داواكارییهكهى بهڕێوهبهرایهتى نهوت و كانزاكانى سلێمانى بدهنهوه و نهوتى سپیان بۆ دابینبكهن تاوهكو بتوانن بهسهرهاووڵاتیاندا دابهشیبكهن”.
