سوپاسی ئیسرائیل لە ئۆپەراسیۆنێکدا بارمتەیەکیان رزگارکرد

SNN

سوپای ئیسڕائیل رۆژی سێشەممەی رابردوو رایگەیاند، هێزە تایبەتەکانی ئیسڕائیل لە ” ئۆپەراسیۆنێکی ئازادکردنی ئاڵۆزدا ” بارمتەیەکی ئیسڕائیلییان لە تونێلەکانی باشووری کەرتی غەززە ڕزگار کردووە.

دانیێڵ هاگاری، وتەبێژی سوپای ئیسرائیل رایگەیاند، ئەو بارمتەیە لە 10ی ئۆکتۆبەرەوە لەلایەن حەماسەوە فرێنراوە و دوێنی لە ئۆپەراسیۆنێکدا رزگار کراوە، ئەو بارمتەیە ناوی قەید فەرحان ئەلکەدیی و تەمەن 52 ساڵە ئەندامە لە کۆمەڵگەی بەدوین لە باشووری ئیسڕائیل، دوای رزگارکردنی گواستراوەتەوە بۆ نەخۆشخانەیەک و بارودۆخی جێگیرە.

ئاماژەی بەوەکردووە ئەلکەری لە تونێلێکی ژێرزەویدا ڕزگارکراوە، بەڵام هیچ وردەکارییەکی دیکەی نەدا، هۆکارەکەشی گەڕاندەوە بۆ ئاسایشی هێزەکانی ئیسڕائیل و ئەو بارمتانەی کە هێشتا لە غەززە ماونەتەوە.

ئەلکەدی لە کیبوتزی ماگین وەکو بارمتە گیراوە و ڕفێندراوە بۆ غەززە، کە یەکێکە لە زنجیرە کۆمەڵگەکانی دەوروبەری کەرتی غەززە کە لە 7 ی مانگی 10 دا لەلایەن چەکدارانی حەماسەوە هێرشی کرایە سەر.

لەو هێرشەی حەماسدا بۆ سەر ئیسڕائیل نزیکەی 1200 کەس کوژران و زیاتر لە 250 ئیسڕائیلیش بە بارمتە گیران. ئەو هێرشەش بووە هۆی هەڵگیرسانی جەنگەکەی ناو غەززە.

بە ڕزگاربوونی ئەلکەدی ئێستا 108 بارمتەی ئیسڕائیلی و بیانی لە غەززە ماونەتەوە، بەڵام نزیکەی سێیەکی ئەمانە باوەڕوایە مردبێتن، چارەنووسی ئەوانی دیکەش نەزاندراوە.