پزیشکیان دێتە هەرێمی کوردستان

SNN

دوای دەستبەکاربوونی وەک سەرۆک کۆماری نوێی ئێران، مەسعود پزیشکیان لەسەر داوای محەمەد شیاع سودانی سەردانی عێراق دەکات.

ئاژانسی هەواڵی میهر-ی ئێرانی بڵاویکردووەتەوە، بڕیارە لە دوو هەفتەی داهاتوودا لەسەر بانگهێشتی محەمەد شیاع سودانی سەرۆکوەزیرانی عێراق، مەسعود پزیشکیان سەرۆککۆماری ئێران بە سەردانێکی فەرمی بگاتە بەغدای پایتەخت، هەر لە سەردانەکەیدا پزیشکیان واژوو لەسەر ئەو رێکەوتننامانە دەکات، کە بڕیار بوو ئیبراهیم رەئیسی لە سەردانەکەیدا بۆ عێراق واژوویان بکات.

لەدوای وەرگرتنی پۆستەکی ئەمە دەبێتە یەکەمین سەردانی پزیشکیان بۆ دەرەوەی وڵاتەکەی، بڕیارە ڕۆژی 11ی ئەیلوول سەردانی عێراق بکات و سێ ڕۆژ بمێنێتەوە، بەپێی ئەوەی ئاژانسەکانی ئێران بڵاویان کردووەتەوە سەردانی چەند شارێکی عێراق دەکات و دێتە هەرێمی کوردستانیش.