نزیكەی سێ ملیۆن هاووڵاتی لەهەرێم دەتوانن دەنگ بدەن تائێستاش240 هەزاركارتی دەنگدان وەرنەگیراونەتەوە
ئامێری هەڵبژاردن
SNN-عەلی حەمە سەعید
وتەبێژی كۆمیسیۆنی باڵای سەربەخۆی هەڵبژاردنەكانی عێراق ئاماژە بەوەدەكات بۆ هەڵبژاردنی پەرلەمانی كوردستان، دوو ملیۆن و 899 هەزار و 578 كەس مافی دەنگدانیان هەیە هاوكات تائێستاش240 هەزاركارتی دەنگدان وەرنەگیراونەتەوە، هاووڵاتیانیش بۆ دەنگدان دەتوانن لە هەزار و 431 بنكەی دەنگدان دەكرێنەوە.
جومانە غەلای، وتەبێژی كۆمیسیۆنی باڵای سەربەخۆی هەڵبژاردنەكانی عێراق بەSNNی ڕاگەیاند: بۆ هەڵبژاردنی پەرلەمانی كوردستان، دوو ملیۆن و 899 هەزار و 578 كەس مافی دەنگدانیان هەیە، لەو ژمارەیەش دوو ملیۆن و 683 هەزار و 618 یان دەنگدەری گشتی و 215 هەزار و 960یان دەنگدەری تایبەتن.
ئاماژەی بەوەشكرد، هەزار و 431 بنكەی دەنگدان دەكرێنەوە بەجۆرێك هەزار و 266 بنكەی دەنگدانی گشتی و 165 بنكەی دەنگدانی تایبەت دەبن، هاوكات تا ئێستاش240 هەزار كارتی دەنگدان لە نووسینگەكانی كۆمیسیۆن لە هەولێر، سلێمانی و دهۆك و ماونەتەوە و خاوەنەكانیان نەچوون بۆ وەرگرتنەوەیان.
وتەبێژەكەی كۆمیسیۆنی باڵای سەر بەخۆی هەڵبژتردنەكانی عێراق ئەوەشی خستەڕوو، هەر لە چوارچێوەی ئامادەكارییەكانی بەڕێوەبردنی هەڵبژاردنی پەرلەمان، ئەمڕۆش جارێكی دیكە لە بازنەكانی هەولێر و سلێمانی و دهۆك تاقیكردنەوەی ئەزموونی بۆ ئامێرەكانی دەنگدان دەكرێت، هاوكات رۆژی 16ی مانگی داهاتوو بانگەشەی هەڵبژاردن دەستپێدەكات.
