ناوی سێ یەکەمەکان بەمەبەستی دامەزراندن رەوانەی وەزارەتی دارایی کرا

SNN-

وەزارەتى خوێندنى باڵاو توێژینەوەى زانستى ناوى سێ یەکەمەکانی بەمەبەستى دامەزراندن ئاراستەى وەزارەتى دارایی هەرێمی کوردستان کرد.

ئەمڕۆ پێنجشەممە، وەزارەتی خوێندنی باڵای هەرێم بڵاویکردەوە، لە نوسراوێکى فەرمیدا لە کە واژۆی ئارام محمد، وەزیرى خوێندنى باڵا و توێژینەوەى زانستى لەسەرە و ئاڕاستەى وەزارەتى دارایى کراوە، تێیدا هاتوە؛ سەبارەت بە دامەزراندنى سێ یەکەمەکانى سەر ئاستى بەش لە کۆلێژ و پەیمانگەکان بەمەبەستى دامەزراندنى هەمیشەییان بۆ سەر میلاکى وەزارەتى خوێندنى باڵا و توێژینەوەى زانستى، دواى ئەنجامدانى بایۆمەترى ناوى سەرجەم دەرچوانى سێ یەکەمەکانى سەر ئاستى بەشەکانتان بۆ دەنێرین بەمەبەستى ناردنیان بۆ وەزارەتى دارایى حکومەتى عێراقى فیدراڵ بۆ تەرخانکردنى شایستەى دارایی بۆیان.