كۆمەڵەی كێڵگە پەلەوەرییەكانی هەرێم لە دادگای فیدراڵی سكاڵا تۆماردەكات

SNN-

كۆمەڵەی كێڵگە پەلەوەرییەكانی هەرێمی كوردستان رایگەیاند، لە دادگای فیدراڵی سكاڵا تۆماربكات بەهۆی رێگریكردن لە چوونی بەرهەمەكانیان بۆ باشور و ناوەڕاستی عێراق.

نازم عەبدوڵڵا، سەرۆكی كۆمەڵەی كێڵگە پەلەوەرییەكان لە راگەیەنراوێكدا بڵاویکردووەتەوە و دەڵێت:”بەهۆی رێگریكردن لە لە چوونی بەرهەمەكانیان بۆ باشور و ناوەڕاستی عێراق، رۆژی یەكشەممە لەدادگای فیدراڵی سكاڵا تۆماردەكەن”.

وتیشی:لایەنە پەیوەندیدارەكانی حكومەتی هەرێم نەیانتوانیوە كێشەكە چارەسەر بكەن، بۆیە بڕیاریانداوە لە دادگای فیدراڵی سكاڵا تۆماربكەن و رێگریكردن لە چوونی بەرهەمەكانیان جیاوازیكردنە لەنێوان ناوچەكان، بەو پێیەی عێراق یەك سەبەتەی خۆراكە.

بڕیاری تۆماركردنی سكاڵا لەلایەن كێڵگە پەلەوەرییەكانەوە هاوكاتە لەگەڵ دابەزینی بەرچاوی نرخی مریشك و بڕیاری حكومەتی عێراق بۆ دانانی باج بەڕێژەی لەسەدا 25ی مریشكی بەستوو، ئەوەش بە ئامانجی پاراستنی بەرهەمی ناوخۆیی.