کامالا هاریس بە توندی هێرش دەکاتە سەر دۆناڵد ترەمپ

SNN-
کامالا هاریس، کاندیدی دیموکراتەکان، بە توندی هێرش دەکاتە سەر دۆناڵد ترەمپ و دەڵێت: ترەمپ هۆکار بووە بۆ جیاکاری لە ناو گەلی ئەمریکا.

کامالا هاریس، لە یەکەم چاوپێکەوتنیدا لەگەڵ کەناڵی سی ئێن ئێن وەک کاندیدی دیموکراتەکان بۆ سەرۆکایەتی ئەمریکا، بە توندی هێرش دەکاتە سەر دۆناڵد ترەمپ و دەڵیت: کە ئەمریکا دەبێت لاپەڕەکەی ئەو هەڵبداتەوە و ترەمپ هۆکار بووە بۆ جیاکاری لە ناو گەلی ئەمریکا.

هاریس باسی لە فرۆشتنی چەک بە ئیسرائیل  کرد و وتی: بەردەوام دەبێت لە سیاسەتەکانی بایدن و چەک بەو وڵاتە دەفرۆشێت، هەر سەبارەت بە کۆچی نایاسایش ئاماژەی بەوەکرد کە هەر کەسێک بە نایاسایی بێتە وڵاتەکەی دەبێت سزابدرێت.

ئەم لێدوانانەی هاریس، دووچاری ڕەخنەیەکی توندی کردەوە، ترەمپ لە تۆڕی کۆمەڵایەتی ”تروس” نوسیبوی کە هاریس کە سێکی دوو ڕوە بە بەردەوامی لێدوانەکانی دەگۆڕێت، لە دیبەتەکەیدا ئەوە بۆ گەلی ئەمریکا نیشاندەدات.