لـە عێراق 15 چەکـداری داعش لەلایەن سوپای ئەمریکاوە کوژران

SNN

بەرەبەیانی ئەمڕۆ شەممە، فەرماندەیی ناوەندی هێزەکانی ئەمریکا (سێنتکۆم) رایگەیاند، بە هاوبەشی لەگەڵ هێزە عێراقییەکان 15 ئەندامی داعشیان لە رۆژئاوای عێراق کوشتووە، لە ئۆپەراسیۆنەکەدا حەوی سەربازیان برینداربوون.

بەرپرسێکی وەزارەتی بەرگری ئەمریکا ڕوونیکردەوە کە “پێنج لەو سەربازانە لەکاتی هەڵمەتەکەدا برینداربوون، هاوکات 2 سەرباز بەهۆی کەوتنەخوارەوە برینداربوون”، جەختیشیکردەوە، دۆخی سەرجەم بریندارەکان جێگیرە”.

ئۆپراسیۆنەکەی بە چاودێری راستەوخۆی محەمەد شیاع سودانی ئەنجامدراوە، بەپێی ئەو زانیارییە بەردەستانەی کە لە بەردەم سوپای ئەمریکا و هێزە عێراقییەکاندا بوون هێرشەکە ئامانجی وردی خۆی دەپێکێت و 15 چەکداری داعش لە بیابانەکانی ئەنبار دەکوژرێت.